Ýsama ben Ladenniń balasy batys elderine qoqan-loqy jasaýda
ASTANA. QazAqparat - «Ál-Kaıda» lańkestik toby aldyn ala boljamǵa sáıkes Ýsama ben Ladenniń uly jasaǵan úndeýdi jarııa etti. Onda ol Londonda jáne batys elderiniń basqa da qalalarynda lańkestik áreketter jasaýǵa shaqyrǵan, dep habarlady sheteldik BAQ.
Qazirgi ýaqytta shamamen 23-24 jastaǵy Hamza ben Ladenniń aýdıo úndeýi Twitter-de jarııalanǵan. «Ál-Kaıdanyń» burynǵy basshysynyń uly AQSh pen onyń odaqtastaryna qarsy jıhadqa shyǵýǵa úndeýde. Ol London, Vashıngton, Parıj, Tel-Avıv, Kabýl, Baǵdad qalalarynda lańkestik áreketter jasaý qajet dep sanaıtyndyǵyn ashyq aıtqan.
Aıta keterligi, Hamza ben Ladenniń qazirgi ýaqytta qaıda júrgeni belgisiz. 2011 jyly Pákistannyń Abottabad qalasynda ákesi óltirilgen kezde Hamzanyń da oqqa ushqandyǵy jaıynda aqparat bolǵan edi. Degenmen, amerıkandyq arnaıy jasaq sarbazdary arnaıy júrgizgen joryq barysynda Ýsama ben Ladenniń ekinshi uly Haledtiń oqqa ushqandyǵy anyqtalǵan.
