Ýsama ben Ladendi kim óltirdi?
ASTANA. QazAqparat - AQSh-tyń áskerı-teńiz kúshteriniń «teńiz mysyqtary» degen ataýmen belgili arnaıy jasaǵynda qyzmet etken Rob O'Nıl Ýsama ben Ladendi mańdaıynan úsh ret atyp óltirgenin aıtýda.
Áskerı ál-Kaıda jetekshisin qatty jaraqattaǵan, odan keıin jasaqtyń ózge eki qyzmetkeri onyń keýdesine oq jaýdyrǵan. Sondaı-aq áskerıdiń ákesi ulynyń bul málimdemesinen keıin de lańkesterdiń nysanasyna aınalýdan qoryqpaıtyndaryn aıtýda.
«Islam memleketi kek alady dep qoryqpaısyzdar ma? dep suraıtyn adamdarǵa esigime úlken nysana salyp qoıyp, «Bizge shabýyl jasap kórińder» degen ýáj aıtamyn», - deıdi Tom O'Nıl.
Rob O'Nıl bul týraly merzimnen buryn otstavkaǵa ketýine baılanysty zeınetaqynyń bir bóliginen qaǵylǵan soń qoǵamǵa jarııa etýge bel baılaǵan.
Daily Mail bul qyzmetkerdiń esimin amerıkandyq FOX News telekompanııasynan buryn málim etti. Aıta keteıik, atalmysh telekompanııa «Ýsama ben Ladendi óltirgen adam» atty derekti baǵdarlamasynyń ázir bolǵany týraly jarııalaǵan edi. Bul baǵdarlamanyń eki serııasy kelesi aptada efırge shyqpaq, dep habarlaıdy Eho Moskvy.
