Ýsama ben Laden páránjege tyıym salǵany úshin Frantsııadan kek almaq
ASTANA. Qazannyń 28-i. QazAqparat - «Ál-Kaıeda» lańkestik jelisiniń jetekshisi Ýsama ben Laden, ekstremısterdiń Frantsııada musylmandarǵa kórsetilip jatqan qysastyqtar úshin kek alýdy josparlap otyrǵanyn málim etti. Bul týraly №1 lańkes arabtyń Al-Jazeera telearnasy taratqan úndeýinde aıtty, dep habarlaıdy RBK agenttigi.
Ekstremıster elde párenje kııýge salynyp otyrǵan tyıymǵa baılanysty frantsýz ókimetine shúıligip otyr. Ben Ladenniń aıtýynsha, lańkester josparyn bastap ta ketti: 2010 jyldyń qyrkúıek aıynda Nıger elinde bes frantsýzdyń urlanýy kek alýdyń basy ǵana.
Ál-Kaıeda basshysy Frantsııa ókimetinen párenjege salynǵan tyıymdy alyp tastaýmen qatar, Aýǵanstandaǵy frantsýz áskerin shyǵarýdy talap etip otyr.
