Ýsama ben Laden burynǵysynsha Aýǵanstan aýmaǵynda boı tasalap júr - Vashıngton
ASTANA. Jeltoqsannyń 7-si. QazAqparat - «Ál-Kaıeda» halyqaralyq lańkestik uıymynyń jetekshisi Ýsama ben Laden tek Pákistannyń aýmaǵynda ǵana emes, burynǵysynsha Aýǵanstannyń aýmaǵynda da boı tasalap júr. Bul týraly AQSh Prezıdentiniń Ulttyq qaýipsizdik jónindegi kómekshisi Djeıms Djons málim etti,
dep habarlaıdy ITAR-TASS agenttigi.
Amerıkan barlaýynyń sońǵy málimetterine sáıkes, ben Laden Pákistanda jasyrynyp júr. General Djons CNN telekompanııasyna bergen suhbatynda, «Ál-Kaıeda» jetekshisiniń, naqtyraq aıtqanda, eki memlekettiń dál ortalyǵyndaǵy «Soltústik Ýázirstanda» boı tasalap, birde -aýǵan jaǵyna, taǵy birde - pákistan jaǵyna ótip júrgenin atap kórsetti. Qurama Shtattar men olardyń Aýǵanstandaǵy odaqtastary «ben Ladendi ustaýǵa nemese onyń kózin joıýǵa qol jetkizýleri kerek», dedi general Djons.
