Ýsama ben Laden amerıkandyq ushaqtyń bortynda júzege aspaı qalǵan lańkestik úshin jaýapkershilikti óz moınyna aldy
ASTANA. Qańtardyń 25-i. QazAqparat - Katarlyq «Ál-Jázıra» telearnasy Ýsama ben Ladenniń kezekti málimdemesiniń aýdıojazbasyn jarııa etti.
Bul joly Ýsama ben Laden ótken jyldyń sońynda amerıkandyq ushaqtyń bortynda júzege aspaı qalǵan lańkestik úshin jaýapkershilikti óz moınyna aldy, dep habarlaıdy ITAR-TASS agenttigi.
Jeltoqsannyń 25-inde Amsterdamnan Detroıtqa bara jatqan amerıkandyq "Nortýest" kompanııasynyń ushaǵynyń bortynda júzege aspaı qalǵan lańkestik áreket úshin jaýapkershilikti buǵan deıin Iemen aýmaǵynda ornalasqan «Arab túbegindegi Ál-Kaıeda» toby óz moınyna alǵan bolatyn.
Sol kúni, grıgorıan kúntizbesi boıynsha Rojdestvo merekesi kúni, 23 jastaǵy nıgerııalyq Omar Farýk Abdýl Mýtallab, ushaqtyń jerge qonýyna 1 saǵat qalǵanda jarylǵysh qurylǵyny iske qospaq bolǵan edi. Biraq ol jolaýshylar men ekıpaj músheleriniń kúshimen zalalsyzdandyrǵan bolatyn.
