Usaq-túıek demeı, qaýip-qaterdiń barlyǵyn muqııat eskerý kerek - Úkimet basshysy
«Energetıka mınıstrligi óńir ákimderimen birlesip, josparlanǵan is-sharalardyń tolyqtaı iske asyrylýyn jáne aldaǵy jylytý maýsymyna daıyndyq jumystaryn qamtamasyz etýi tıis. Týyndaǵan barlyq máseleni jylytý maýsymyna deıin sozbaı, jedel sheshý qajet. Usaq-túıek demeı, qaýip-qaterlerdiń barlyǵyn muqııat esepteý kerek», - dedi Álıhan Smaıylov búgin Úkimet otyrysynda.
Osy rette Premer-Mınıstr óziniń birinshi orynbasary Roman Sklıarǵa jylytý maýsymyna qatysy bar mınıstrlikter men ákimdikterdiń, holdıngter men kompanııalardyń arasyndaǵy úılestirý jumystary barynsha tıimdi júrgizilýi tıistigin eskertti.
«Másele ózimniń jeke baqylaýymda bolady», - dep atap ótti Úkimet basshysy.
Buǵan deıin Álıhan Smaıylov jylý jelilerin tehnıkalyq tekserýdi 1 maýsymǵa deıin aıaqtaýdy tapsyrdy.
