Usaq buzaqylyq jasaǵan 7 myń adam 441 mln teńge aıyppul tóledi

ASTANA. KAZINFORM – Bıyl usaq buzaqylyq jasaǵan 4,5 myń adam qamaýǵa alyndy. Bul týraly ІІM Aqparattyq saıasat departamentiniń basqarma bastyǵy Baýyrjan Maksımov málim etti.

«Memleket basshysynyń tapsyrmasymen bıyl osyndaı quqyq buzýshylyqtar úshin jaýapkershilik kúsheıtildi. Eger mundaı áreketter birinshi ret jasalsa, onda sot 20 aılyq eseptik kórsetkish mólsherinde aıyppul salýǵa nemese 20 táýlikke deıin ákimshilik qamaýǵa alýǵa quqyly. Buzaqylyq áreketter qaıtalanyp jasalǵan jaǵdaıda quqyq buzýshy ákimshilik qamaýǵa alýdyń eń joǵary merzimine – 30 táýlikke deıin qamaýǵa alynatyn bolady», - dedi basqarma bastyǵy mınıstrlikte ótken brıfıngte.

Baýyrjan Maksımovtiń dereginshe, jyl basynan beri usaq buzaqylyqtyń 16 myńnan astam faktisi tirkeldi.

«4,5 myń quqyq buzýshy qamaýǵa alynyp, 7 myń adamǵa 441 mln teńgege aıyppul salyndy. ІІM «zań jáne tártip» qaǵıdatyn qamtamasyz etý boıynsha jumysty jalǵastyryp jatyr. Azamattardy zańdy jáne qoǵamdyq tártipti saqtaýǵa shaqyramyz», - dedi ol.