USAID uıymynyń shetelge kómekti toqtatýyna ne sebep boldy

ASTANA. KAZINFORM – Tramp ákimshiligi men AQSh múddesine saı keletin shetelge kómek baǵdarlamasyn AQSh departamenti qatań esep bere otyryp júzege asyratyn bolady, dep habarlaıdy Kazinform menshikti tilshisi.

Myńdaǵan baǵdarlamalar men 715 mıllıard dollardan astam shyǵyndardy ondaǵan jyldarǵy ınflıatsııa turǵysynan muqııat taldaǵannan keıin, AQSh-tyń Halyqaralyq damý agenttigi (USAID) kóp jaǵdaıda Amerıka múddesine qyzmet etpeıtini anyq boldy. Bul týraly AQSh Memlekettik departamentiniń málimdemesinde aıtylǵan.

Qujatta USAID-tiń AQSh-tyń salyq tóleýshileriniń sheksiz bıýdjetin ondaǵan jyldar boıy tıimsiz paıdalaný - AQSh yqpalyn arttyrýdyń ornyna antıamerıkalyq kóńil-kúıdiń ósýine alyp kelgeni aıtylǵan.

Álemdik arenada AQSh-tyń kómegin eń kóp alǵan elder soǵan saı jaýap bermeıdi. Máselen, 2023 jyly Saharadan ońtústikke qaraı ornalasqan Afrıka elderi BUU-daǵy mańyzdy qararlarǵa daýys berý kezinde AQSh-pen tek 29% jaǵdaıda ǵana yntymaqtasqan. Al olardyń 1991 jyldan beri alǵan qarjysy 165 mıllıard dollar bolady. Taıaý Shyǵys pen Soltústik Afrıkaǵa baǵyttalǵan 89 mıllıard dollardan astam ınvestıtsııa AQSh-tyń Qytaımen salystyrǵandaǵy reıtıngine keri áser etken.

Agenttiktiń 1991 jyldan beri Gaza men Batys jaǵalaýǵa salǵan qarjysy 9,3 mlrd dollar bolǵan. Benefıtsıarlar ishinde HAMAS ta bar. Soǵan qaramastan AQSh-tyń osy áreketine rızashylyǵyn bildirgen eshkim joq.

Bul rette amerıkalyq salyq tóleýshiler esebinen shalqyp ómir súrgender - úkimettik emes uıymdardyń jetekshileri boldy.

- Kómekti alýshylar onyń belgisiz úkimettik emes uıymnyń sadaqasy emes, amerıka halqynyń salyǵy ekenin bilgeni jón, - delingen qujatta.

Memdepartament tıimsiz áreketterdiń ýaqyty jetti. Tramp ákimshiligi tusynda múddemizge basymdyq beretin sheteldik qarjylandyrý mıssııasy paıda bolatyn boldy. Biz ózine ózi kómektese alatynyn kórsete alǵan jáne soǵan daıyn elderge basymdyq beremiz. Resýrstardy amerıkalyq kompanııalar men álemdik ınvestıtsııalardy qosa alǵanda mýltıplıkatıvti tıimdilik beretin jáne jeke sektordy jandandyratyn baǵyttarǵa jiberemiz.

- Endi basymdyq kómekke emes saýdaǵa, táýeldilikke emes múmkindikke, qoldaýǵa emes ınvestıtsııaǵa beriledi. Amerıkalyqtar men álemdegi kóptegen adamdarǵa 1 shilde jahandyq áriptestik, beıbitshilik, ınvestıtsııa men gúldený kezeńiniń bastamasy bolady, - delingen habarlamada.

Osyǵan deıin AQSh USAID baǵdarlamasynyń 83% jabatyny týraly jazdyq.