USAID-tyń barlyq qyzmetkeri 30 qyrkúıekke deıin jumystan bosatylady
USAID-tyń keıbir fýnktsııalary 1 shildege deıin AQSh Memlekettik departamentine beriledi, dep habarlaıdy TASS.

Reuters agenttiginiń málimetinshe, USAID-tiń barlyq sheteldik mıssııalary 2025 qarjy jylynda (AQSh-ta 30 qyrkúıekte aıaqtalady) jabylady.
AQSh Memlekettik hatshysy Marko Rýbıo agenttikti qaıta uıymdastyrý barysynda USAID-tiń keıbir fýnktsııalary 1 shildege deıin Memlekettik departamentke beriletinin málimdedi. Ol sondaı-aq «[AQSh] ákimshiliginiń basymdyqtaryna sáıkes kelmeıtin» basqa fýnktsııalardyń toqtatylatynyn aıtty.
Eske salsaq, 2025 jyldyń qańtarynda AQSh prezıdenti Donald Tramptyń ákimshiligi kútpegen jerden AQSh-tyń halyqaralyq damý agenttigi (USAID) arqyly kórsetiletin sheteldik kómektiń basym bóligin 90 kúndik sholý júrgizý úshin toqtatyp tastaǵan bolatyn.
Aq úı USAID-tiń ondaǵan jyldar boıy mıllıardtaǵan dollardy baqylaýsyz, paıdasyz jáne kúmándi jobalarǵa jumsaǵanyn alǵa tartyp otyr.
Buǵan deıin USAID-tiń 2024 jyly Qazaqstanǵa qansha qarajat bólgeni habarlanǵan edi.