USAID-ta 294 qyzmetker qalady

ASTANA. KAZINFORM – AQSh prezıdenti Donald Tramptyń ákimshiligi álem boıynsha 10 myńnan astam adam jumys isteıtin Halyqaralyq damý agenttigi (USAID) qyzmetkerleriniń az ǵana bóligin qaldyrýdy josparlap otyr, dep habarlaıdy VVS. 

Tek 294 adam óz ornyn saqtaıdy.

Atap aıtqanda, agenttik qyzmetkerleriniń sany 30 eseden astam qysqartylǵannan keıin Afrıka bıýrosynda tek 12 adam, al azııalyq bıýroda 8 adam qalady, dep habarlaıdy Reuters tórt derekkózge silteme jasap.

USAID-tiń keıbir qyzmetkerleri jumystan shyǵarý týraly habarlamalar ala bastady. 

Osy aptada agenttik saıtynda USAID-tiń barlyq derlik qyzmetkerleri juma kúni búkil álem boıynsha ákimshilik demalysqa shyǵarylatyny týraly habarlama shyqty. 

AQSh-tyń halyqaralyq damý agenttiginiń (aǵyl. United States Agency for International Development, USAID) negizgi mıssııasy – sheteldik gýmanıtarlyq kómekti úılestirý. Naqtyraq aıtsaq, ózge memlekettermen birlese otyryp áleýmettik-ekonomıkalyq baǵdarlamalar ázirleıdi.

Buǵan deıin AQSh USAID-ty nege taratatynyn jazǵan bolatynbyz.

Jaqynda QR Saýda jáne ıntegratsııa vıtse-mınıstri Qaırat Tórebaev Májilis kýlýarynda AQSh Halyqaralyq damý agenttiginiń jumysyn toqtatýy Qazaqstanda bastalyp ketken jobalarǵa qalaı áser etip jatqany týraly pikir bildirdi. 

Al Májilis depýtaty Magerram Magerramov elimizge sheteldik demeýshiler bóletin qarjyǵa aýdıt júrgizip, barlyq esep-qısabyn halyqqa jarııalaý kerek dep otyr.