USAID Memlekettik kirister komıtetine quny 960 myń dollarlyq kompıýterlik serverler tartý etti
ASTANA. KAZINFORM – Búgin AQSh Halyqaralyq damý agenttigi (USAID) Memlekettik kirister komıtetine quny 960 myń dollar bolatyn aldyńǵy qatarly kompıýterlik serverler tabys etti. Bul server elimizdiń kedendik ınfraqurylymyn jańǵyrtýǵa septigin tıgizedi.
«Búgingi tańda komıtet jańa kedendik aqparat júıesin ázirleý jáne engizý boıynsha jumys júrgizýde. AQSh-tyń damý agenttiginen alynǵan jetildirilgen serverlik jabdyq osy jańa júıeniń fýnktsıonaldyǵyn engizý, sondaı-aq keden beketteriniń joǵary jyldamdyqty sımvolyn qamtamasyz etý úshin paıdalanylady. Júıeni engizý arqyly kedendik rásimder jeńildetiledi. Júıeniń úzdiksiz jáne turaqty júmysy qamtamasyz etiledi. Ol syrtqy ekonomıkalyq maqsatta júzege asyrady», - dedi is-shara barysynda komıtet tóraǵasy Jandos Dúısembıev.
USAID AQSh-tyń Dell Inc. kompanııasynyń «Keden» IT-kedendik jańa júıesin qoldaý úshin aldyńǵy qatarly serverlerin jetkizdi. Ol ónimdilikke kedergi keltirgen eskirgen «Astana-1» júıesin almastyrady. Jańa «Keden» júıesi avtomattandyrý, mashınalyq oqytý jáne jasandy ıntellektti qoldaný arqyly kedendik rásimdeý ýaqytyn qysqartady jáne derekter qaýipsizdigin arttyrady. Jańa júıe bolashaqta keńeıýge arnalǵan protsessterdi ulǵaıtýǵa múmkindik beredi.
«Innovatsııalyq tehnologııalardy engizý protsesterdi ońtaılandyrady, dáldikti arttyrady, ashyqtyqty jaqsartady jáne bızneske qolaıly ortany qalyptastyrady, kóbirek ınvestorlardy tartady jáne ekonomıkalyq ósýdi arttyrady», - dep atap ótti AQSh-tyń Qazaqstandaǵy Elshi Danıel Rozenblým.
