USA TODAY: Qazaqstan Londonda 6 altyn alýy múmkin
ASTANA. 25 naýryz. QazAqparat - London Olımpıadasy bastalsa, qaı sportshy júldege qol sozatyndyǵy jaıynda amerıkalyq USA TODAY basylymy tereń úńilip, ár eldiń ár sportshysyna jeke toqtalypty.
AQSh elindegi áriptesterimiz Qazaqstan Londonda 6 altyn, 3 kúmis, 3 qola alyp, jalpy esepte 24 orynǵa turaqtaıtynyn topshylap otyr, dep jarııalanǵan «Alaman» ulttyq sport portalynda.
USA TODAY agenttigi búkil qazaq jankúıerleri altyn alady dep otyrǵan Ilıa Ilın ýkraınalyq Artem Ivanovqa ese jiberedi dep boljapty. Esesine, Maıa Maneza men Svetlana Podobedova Londonda chempıon bolady deıdi amerıkalyqtar. Al Zúlfııa Chınshanlo túrik Aılen Dastelınge jol berip, kúmis alady-mys.
Amerıkalyq jýrnalıster Svetlana Podobedova Parıjde ketken esesin Londonda qaıtarady depesepteıdi.
Boksshylardan Serik Sápıevtiń altyn alatynyna amerıkalyq áriptesterimiz senimdi. Al Ádilbek Nııazymbetov pen Ǵanı Jaılaýov qolaǵa qol sozýy múmkin.
Dzıý dodan Maksım Rakovqa Londonda eshkim teń kelmeıdi. Al grek rım kúresinen Almat Kebispaev chempıon bolady. Qorjynda bes altyn boljam boıynsha. Al úsh qarǵyp sekirýden Olga Rypakova da altynǵa úmiti bar. Mine, amerıkalyq basylymnyń Qazaqstanǵa tıesili 6 «altyny».
Sondaı-aq Juldyz Ishımova (áıelder kúresi) kúmis, NurmahanTynalıev (grek rımkúresi) qola alady degen qorytyndy jasap otyr USA TODAY.
«USA TODAY: Jalpy esepte, AQSh top bastap, Qytaı ekinshi, Reseı úshinshi orynǵa turaqtamaq. Al ózbek 2 altyn, al tájikter 1 qolaǵa qol sozýy bek múmkin. Qyrǵyzdarǵa Londonnan júlde buıyrmaıdy. Taǵy bir aıta keterligi, mamandar bul zertteýdi álemdik dodalardyń negizinde jasap otyr. Jáne zertteý beıresmı ekenin eskertemiz»,-delingen «Alaman» portalynda.
