USA TODAY Golovkındi «Jyl boksshysy» dep tanydy
ASTANA. 26 jeltoqsan. QazAqparat - WBA nusqasy boıynsha orta salmaqtaǵy álemniń sýperchempıony qazaqstandyq Gennadıı Golovkın USA Today bedeldi amerıkalyq basylymynyń nusqasy boıynsha «Jyl boksshysy» atandy, dep habarlaıdy Vesti.kz.
Golovkınnen basqa bul ataqqa reseılik Sergeı Kovalev jáne kanadalyq Adonıs Stıvenson talasty, dep habarlanǵan «Vkontakte» áleýmettik jelisindegi GGG paraqshasynda. Bıylǵy jyly úsheýi de sharshy alańǵa tórt ret kóterilgen, bul, basylymnyń aıtýyna qaraǵanda, qazirgi zamanda tańdaýly boksshylar arasynda sırek kezdesetin jaǵdaı, jáne tórt jekpe-jekte de merziminen buryn jeńiske jetken.
Buǵan deıin HBO sarapshylary Golovkınge joǵary baǵa bergen bolatyn. Qazaqstandyq boksshy «Jyl soqqysynyń» ıegeri bolyp tanyldy jáne Stıvensonmen «Jyl boksshysy» ataǵyn bólisti.
