USA TODAY boljamy: Qazaqstan Londonda 6 altyn alýy múmkin
ASTANA. 26 naýryz. QazAqparat - USA TODAY basylymy Qazaqstan Londonda 6 altyn, 3 kúmis, 3 qola alyp,
jalpy esepte 24 orynǵa turaqtaıdy dep topshylap otyr.
Dál búgin London Olımpıadasy bastalsa jaǵdaı qalaı bolmaq? Kim chempıon atanyp, qaı sportshy júldege qol sozady? Bul máselege amerıkalyq USA TODAY basylymy tereń úńilip, ár eldiń ár sportshysyna jeke-jeke toqtalypty, dep jazady alaman.kz portaly.
USA TODAY agenttigi búkil qazaq jankúıerleri altyn alady dep otyrǵan Ilıa Ilın ýkraınalyq Artem Ivanovqa ese jiberedi dep boljapty. Esesine, Maıa Maneza men Svetlana Podobedova Londonda chempıon bolady-mys. Al Zúlfııa Chınshanlo túrik Aılen Dastelınge jol berip, kúmis alady.
Boksshylardan Serik Sápıevtiń altyn alatynyna amerıkalyq áriptesterimiz senimdi. Al Ádilbek Nııazymbetov pen Ǵanı Jaılaýov qolaǵa qol sozýy múmkin.
AQSh basylymynyń paıymdaýynsha, Londonda dzıý-dodan Maksım Rakovǵa eshkim teń kelmeıdi. Al grek-rım kúresinen Almat Kebispaev chempıon bolady. Úsh qarǵyp sekirýden Olga Rypakova da altynǵa úmiti bar. Mine, amerıkalyq basylymnyń Qazaqstanǵa tıesili 6 «altyny» osylar.
Sondaı-aq Juldyz Ishımova (áıelder kúresi) kúmis, Nurmahan Tynalıev (grek rım kúresi) qola alady degen qorytyndy jasap otyr.
