US Open: Jasóspirimder arasynda Danıal Rahmatýllaev irikteý týrnıriniń fınalyna shyqty

ASTANA. KAZINFORM — Jasóspirimder arasynda AQSh ashyq chempıonatynda qazaqstandyq tennısshi Danıal Rahmatýllaev irikteý saıysyn sátti bastady.

Aqtaý tennıs mektebiniń túlegi, 17 jastaǵy Danıal Rahmatýllaev irikteý týrnıriniń jartylaı fınalynda amerıkalyq Rohan Beldaımen kortqa shyqty.

Birinshi partııada qazaqstandyq tennısshi 6:4 esebimen basym tússe, ekinshisinde amerıkalyq sportshy qarymta qaıyrdy – 6:4. Sýper taı-breıkte Danıaldyń joly boldy – 10:8. Tartysty báseke eki saǵatqa jýyq ýaqytqa sozyldy.

D.Rahmatýllaev irikteý saıystarynyń fınalynda ATP reıtıngisinde 1195-satyda turǵan marokkolyq Karım Bennanımen kezdesedi. Ony jeńse, negizgi jarysqa joldama alady.

Qazaqstan tennıs federatsııasynan túsken málimetke qaraǵanda, jasóspirimder arasynda negizgi týrnırde Ámir Omarhanov, qyzdardan Asyljan Arystanbekova men Sonıa Jıenbaeva óner kórsetedi.

Eske sala keteıik, budan buryn AQSh ashyq chempıonatynda ıÝlııa Pýtıntsevanyń qytaılyq qarsylasyn jeńip, úshinshi aınalymǵa shyqqany jazǵan bolatynbyz.

Elena Rybakına US Open týrnırinen nege bas tartqanyn túsindirdi.

Anna Danılına US Open týrnırin jeńispen bastady.