US Open: Zarına Dııas pen Andreı Golýbev juptyq synda ekinshi aınalymǵa ótti
NUR-SULTAN. QazAqparat – Qazaqstandyqtar Zarına Dııas pen Andreı Golýbev US Open týrnırinde juptyq básekelerin sátti ótkizdi, dep habarlaıdy QazAqparat tilshisi.
Z.Dııas reseılik Varvara Grachevamen birge alǵashqy aınalymda japonııalyq Mısakı Doı – germanııalyq Anna-Lena Frıdzammen sheberlik baıqasty.
Birinshi sette taı-breıkte qazaqstandyq-reseılik jup taı-breıkte jeńisti julyp aldy – 7:6 (7:5). Ekinshi partııany qarsylastary óz esebine jazdy – 6:4.
Sheshýshi, úshinshi sette Zarına men Varvara basymdylyq kórsetti – 6:2.
2 saǵat 19 mınýtqa sozylǵan tartysty matchta Z.Dııas pen V.Gratseva 2 eıs jasap, 12 breık-poınttyń jartysyn múlt jibergen joq. Japonııalyq-germanııalyq jup 4 eıs, 6 breıkke (13 breık-poınt) qol jetkizdi.
Z.Dııas pen V.Gracheva ekinshi aınalymda AQSh ashyq chempıonatynyń juptyq syndaǵy 15-raketkalary, chehııalyqtar Marııa Boýzkova – Lýtsııa Gradetskaıamen kortqa shyǵady.
Erler arasynda jarystyń 15-raketkalary bolyp tirkelgen Andreı Golýbev pen germanııalyq Andreas Mes bastapqy kezdesýin ıspanııalyqtar Pedro Martınes – Albert Ramospen ótkizdi.
Qazaqstandyq-germanııalyq jup 6:4, 6:4 esebimen jeńiske jetti. Saǵat jarymǵa jýyq ýaqytqa sozylǵan matchta A.Golýbev pen A.Mes 3 eıs jasap, 8 breık-poınttyń úsheýin paıdalandy.
A.Golýbev pen A.Mes ekinshi aınalymda bosnııalyq Tomıslav Brkıch – serbııalyq Nıkola Kachıchtiń shamasyn baıqap kóredi.
Eske sala keteıik, budan buryn US Open týrnırinde Aleksandr Býblıktiń bes sette sozylǵan matchta jeńilip qalǵanyn, Qazaqstan balalar quramasynyń Azııa komandalyq birinshiliginiń fınaldyq kezeńine joldama alǵanyn jazǵan bolatynbyz.
Sondaı-aq Elena Rybakına tórtinshi aınalymǵa shyǵa almady.
