US Open: Zańǵar Nurlanuly jasóspirimder arasynda týrnırdi sátti bastady

ASTANA. KAZINFORM — Qazaqstandyq tennısshi Zańǵar Nurlanuly jasóspirimder arasynda AQSh ashyq chempıonatynyń ekinshi aınalymyna shyqty.

Qazaqstandyq sportshy bastapqy kezdesýin jarysqa arnaıy shaqyrtý alǵan amerıkalyq Roshan Santoshpen ótkizdi.

Eki set te 6:3 esebimen Zańǵardyń paıdasyna sheshildi.

Báseke 1 saǵat 16 mınýtqa sozyldy.

Zańǵar Nurlanuly 1/8 fınalǵa shyǵý úshin Polsha ókili Alan Vajny nemese taǵy bir amerıkalyq Raıan Kozadtyń qaı jeńgenimen talasady.

Eske sala keteıik, budan buryn AQSh ashyq chempıonatynda Aleksandr Býblıktiń álemniń 1-raketkasymen oınaıtynyn jazǵan edik.

Anna Danılına 1/8 fınalǵa joldama aldy.

Elena Rybakına shırek fınaldan tys qaldy.