US Open: Zańǵar Nurlanuly men Damır Jalǵasbaı juptyq synda jeńiske jetti

ASTANA. KAZINFORM — Qazaqstandyq tennısshiler Zańǵar Nurlanuly men Damır Jalǵasbaı juptyq synda jasóspirimder arasynda AQSh ashyq chempıonatynyń 1/8 fınalyna shyqty.

Qazaqstandyq jup bastapqy kezdesýin kolýmbııalyq Alehandro Arsıla – amerıkalyq Maksımýs Dıýssomen ótkizdi.

Birinshi partııada Zańǵar men Damır taı-breıkte tabandylyq tanytty – 7:6 (8:6).

Ekinshisinde kolýmbııalyq-amerıkalyq dýet ese qaıyrdy – 6:4.

Sýper taı-breıkte Nurlanuly men Jalǵasbaı jeńisti julyp aldy – 10:8.

Tartysty báseke saǵat jarymnan astam ýaqytqa sozyldy.

Zańǵar Nurlanuly men Damır Jalǵasbaı shırek fınalǵa shyǵý úshin germanııalyqtar, jekeleı synda jasóspirimder arasynda 2025 jylǵy Rolan Garros týrnıriniń chempıony Nıls Makdonald – sol jarystyń fınalısi Maks Shenhaýspen talasady. 

N.Makdonald pen M.Shenhaýs AQSh ashyq chempıonatynda juptyq synda ekinshi raketka retinde tirkelgen. 

Eske sala keteıik, budan buryn AQSh ashyq chempıonatynda Zańǵar Nurlanulynyń sensatsııa jasap, úshinshi aınalymǵa shyqqanyn jazǵan edik.