US Open: Zańǵar Nurlanuly alǵash ret «Úlken dýlyǵa» týrnıriniń shırek fınalyna ótti
ASTANA. KAZINFORM — Qazaqstandyq tennısshi, 17 jastaǵy Zańǵar Nurlanuly jasóspirimder arasynda AQSh ashyq chempıonatynynyń shırek fınalyna shyqty.
ITF Juniors reıtıngisinde 54-orynda turǵan Zańǵar Nurlanuly úshinshi aınalymda jasóspirimder arasynda álemniń 8-raketkasy, fınlıandııalyq, 18 jastaǵy Oskarı Paldanıýstan aılasyn asyrdy.
O.Poldanıýs eresekter arasynda ATP reıtıngisinde 991-satyda tur.
Birinshi partııada fın tennısshisi 6:3 esebimen basym tústi.
Budan keıin kambek jasaı bilgen Zańǵar qarsylasyn tuqyrtyp tastady – 6:1, 6:2.
Tartysty báseke 2 saǵat 6 mınýtqa sozyldy.
Osylaısha, taǵy bir sensatsııa jasap, shırek fınalǵa ótken Zańǵar Nurlanulynyń kelesi qarsylasy – reseılik Tımofeı Derepasko.
Z.Nurlanulyn aıtýly tabysymen Qazaqstan tennıs federatsııasynyń prezıdenti Bolat Ótemuratov quttyqtady.
Z.Nurlanuly juptyq synda Damır Jalǵasbaımen birge ekinshi aınalymda jarystyń 2-raketkalary, germanııalyqtar Nıls Makdonalds – Maks Shenhaýspen oınaıdy.
Eske sala keteıik, budan buryn Zańǵar Nurlanulynyń sensatsııa jasap, úshinshi aınalymǵa shyqqanyn jazǵan edik.
Sondaı-aq Novak Djokovıch taǵy bir rekordtyq nátıjege qol jetkizdi.