US Open: Zańǵar Nurlanuly álemniń 1-raketkasyna jol berdi

ASTANA. KAZINFORM — Qazaqstandyq tennısshi, 17 jastaǵy Zańǵar Nurlanuly jasóspirimder arasynda AQSh ashyq chempıonatynyń fınalyna bir qadam jetpeı toqtady.

ITF Juniors reıtıngisinde 54-orynda turǵan Zańǵar Nurlanuly jartylaı fınalda jasóspirimder arasynda álemniń 1-raketkasy, bolgarııalyq, 16 jastaǵy Ivan Ivanovqa tap keldi.

Birinshi partııada qos breıkke qol jetkizgen bolgarııalyq sportshy 6:1 esebimen basym tústi.

Ekinshi sette I.Ivanov 3:1 esebimen alǵa ketkenimen, Zańǵar tarazy basyn teńestire aldy – 3:3.

Alaıda izinshe óz geımin berip qoıdy. Aqyry Ivanov matchty jeńispen aıaqtady – 6:4.
Báseke 1 saǵat 17 mınýtqa sozyldy.

Ivan Ivanov fınalda otandasy, 18 jastaǵy Aleksandr Vasılevpen bas júldeni sarapqa salady.

Zańǵar Nurlanuly fınalǵa shyǵa almasa da, qazaqstandyqtardan jasóspirimder arasynda alǵash ret «Úlken dýlyǵa» týrnıriniń jartylaı fınalyna deıin jetti. 

Eske sala keteıik, budan buryn AQSh ashyq chempıonatynda Zańǵar Nurlanulynyń qazaqstandyqtar arasynan alǵash ret jartylaı fınalǵa shyqqanyn jazǵan edik.