US Open: ıÝlııa Pýtıntseva jarys jolyn aıaqtady
ASTANA. KAZINFORM – Qazaqstannyń ekinshi, álemniń 84-raketkasy ıÝlııa Pýtıntseva AQSh ashyq chempıonatynyń úshinshi aınalymyna shyǵa almady.
Qazaqstandyq tennısshi ekinshi aınalymda kezinde álemdik reıtıngide 4-orynǵa deıin kóterilgen, qazirgi kezde 121-satydaǵy qytaılyq, Parıj Olımpıadasynyń chempıony Chjen Tsınvenge tap keldi.
Qarsylastar buǵan deıin ózara eki ret kezdesip, onda Pýtıntseva jeńgen edi.
ıÝ.Pýtıntseva AQSh chempıonatynyń alǵashqy aınalymynda álemniń 12-raketkasy, Tokıo Olımpıadasynda úzdik shyqqan shveıtsarııalyq Belında Benchıchti kambekpen utqan edi.
Bul joly birinshi sette esep 3:2 bolǵan mezette qytaılyq tennısshi breık jasap ketti – 4:2.
ıÝlııa qaıyra breık jasaǵanymen, óziniń geımin berip qoıdy – 4:6.
Ekinshi sette Pýtıntseva 5:1 esebimen alǵa ketti. Sosyn degenine jetti – 6:2.
Úshinshi, sheshýshi partııada qytaılyq sportshy birden breık jasap, óz geımin de aldy – 3:0.
Aqyry matchty jeńispen túıindedi – 6:1.
Eki saǵat 37 mınýtqa sozylǵan tartysty básekede ıÝ.Pýtıntseva 3 eıspen birge 9 breık-poınttyń tórteýin múlt jibermedi. Tsınven 9 eıs, 5 breıkpen (8 breık-poınt) kózge tústi.
Qytaılyq sportshy tórtinshi aınalymǵa shyǵý úshin álemniń 24-raketkasy, 2025 jylǵy Aýstralııa ashyq chempıonatynyń jeńimpazy, amerıkalyq Medıson Kızben talasady.
Eske sala keteıik, budan buryn AQSh ashyq chempıonatynda ıÝlııa Pýtıntsevanyń Olımpıada chempıonyn qapy qaldyrǵanyn jazǵan edik.
Sondaı-aq Aleksandr Býblık qarsylasyn aıqyn basymdylyqpen jeńdi.
Anna Danılına jyldyń qorytyndy týrnırine joldama aldy.
