US Open: ıÝlııa Pýtıntseva Monterreı chempıonyn jeńdi

ASTANA. KAZINFORM – Qazaqstannyń ekinshi, álemniń 32-raketkasy ıÝlııa Pýtıntseva AQSh ashyq chempıonatyn jeńispen bastady.

Qazaqstandyq tennısshi alǵashqy aınalymda álemniń 25-raketkasy, 19 jastaǵy chehııalyq Lında Noskovamen betpe-bet keldi.

L.Noskova ótken aptada Meksıkadaǵy Monterreı WTA 500 týrnıriniń chempıony atanyp, álemdik reıtıngide 35-ten 25-ke kóterilip, jeke rekordyn ornatqan edi.

Tartysty órbigen birinshi partııada qazaqstandyq tennısshi taı-breıkte tarazy basyn ózine aýdardy – 7:6 (7:4). Ekinshisinde 6:4 esebimen jeńisti túıindedi.

Bir saǵat 41 mınýtqa sozylǵan báseke barysynda Pýtıntseva 3 eıspen birge 9 breık-poınttyń beseýinde qapy ketpedi. Noskova 6 eıs jasap, 5 breık-poınttyń tórteýin paıdalandy. 

ıÝlııa Pýtıntseva úshinshi aınalymǵa ótý úshin álemniń 40-raketkasy, qytaılyq Sınıýı Vanmen sheberlik talastyrady.

Ótken jyly AQSh chempıonatynda alǵashqy aınalymnan asa almaǵan ıÝ.Pýtıntseva qazirgi kezde WTA Live reıtıngisinde 29-orynǵa kóterilip tur.

Eske sala keteıik, budan buryn AQSh ashyq chempıonatynda Elena Rybakınanyń ekinshi aınalymǵa ótkenin jazǵan bolatynbyz.