US Open: ıAnnık Sınner chempıon atana ala ma

ASTANA. KAZINFORM – Tennısten AQSh ashyq chempıonatynda erler arasynda sońǵy básekege joldama alǵan sportshylar belgili boldy.

Álemniń 1-raketkasy, 23 jastaǵy ıtalııalyq ıAnnık Sınner birinshi jartylaı fınalda dúnıejúzilik reıtıngide 25-orynda turǵan ulybrıtanııalyq Djek Dreıperdi qapy qaldyrdy.

Osyǵan deıin dopıng daýyna iligip, biraz synǵa ushyraǵan ıtalııalyq tennısshi 22 jastaǵy D.Dreıperdi 7:5, 7:6 (7:3), 6:2 esebimen tize búktirdi.

Taǵy bir fınal joldamasyn amerıkalyqtar, álemniń 12-raketkasy Teılor Frıtts pen reıtıngide 20-satydaǵy Frensıs Tıafo sarapqa saldy.

Asa tartysty órbigen matchta 26 jastaǵy Frıtts 4:6, 7:5, 4:6, 6:4, 6:1 esebimen jeńiske jetip, sporttyq jolynda alǵash ret AQSh chempıonatynyń fınalyna shyqty.

Bıyl Aýstralııa ashyq chempıonatynda úzdik shyqqan ıA.Sınner AQSh-ta úzdik atana ala ma, ony aldaǵy oıyn kórsetedi.

Erler arasyndaǵy fınal 8 qyrkúıekten 9-yna qaraǵan túni ótedi.

Ótken jyly chempıon atanǵan serbııalyq Novak Djokovıch bıyl jarys jolynan erte shyǵyp qaldy.

Eske sala keteıik, budan buryn áıelder arasynda fınalǵa shyqqan tennısshiler anyqtalǵanyn jazǵan bolatynbyz.