US Open: Tuńǵysh ret álemniń birinshi raketkasy alǵashqy aınalymnan asa almady
ASTANA. QazAqparat - Álemniń birinshi raketkasy Sımona Halep US Open-niń alǵashqy aınalymynda estonııalyq Kaııa Kanepıden 2:6, 4:6 esebimen jeńilip qaldy, dep habarlaıdy «SPORTINFORM» SAA championat.com saıtyna silteme jasap.
Rýmyn sportshysy Ashyq era tarıhynda (1968 jyldan beri) US Open týrnıriniń alǵashqy aınalymynda-aq jarys jolynan shyǵyp qalǵan áıelder arasyndaǵy birinshi reıtıng kósbasshysy bolyp otyr.
Eske salaıyq, Sımona ótken jyly da US Open-niń alǵashqy kezeńinde reseılik Marııa Sharapovadan úsh partııada da jeńilip, týrnırden shyǵyp qalǵan edi. Ol kezde sportshy álemniń ekinshi raketkasy edi. Sımona Halep bul jeńilgenine qaramastan, týrnır aıaqtalǵannan keıin de álemdik reıtıngtiń kóshbasshysy bolyp qala beredi.
