US Open: Tımofeı Skatov jarys jolynan shyǵyp qaldy

ASTANA. QazAqparat – Qazaqstannyń ekinshi, álemniń 129-raketkasy Tımofeı Skatov AQSh ashyq chempıonatynda jarys jolynan shyǵyp qaldy, dep habarlaıdy QazAqparat tilshisi.

Atalmysh «Úlken dýlyǵa» týrnırine alǵash ret joldama alǵan 22 jastaǵy tennısshige birinshi aınalymda-aq myqty qarsylas tap boldy.

Álemniń 13-raketkasy, aýstralııalyq Aleks de Mınormen oınaǵan T.Skatov birinshi partııada 2:6 esebimen ese jiberse, ekinshisinde ese qaıyrdy – 6:3. Alaıda sodan keıin eki set aýstralııalyq sportshynyń enshisinde ketti – 6:1, 7:5.

Bul tennısshilerdiń ózara birinshi kezdesýi edi. 2 saǵat 40 mınýtqa sozylǵan tartysty matchta T.Skatov 2 eıs jasap, 6 breık-poınttyń tórteýin paıdalandy. Qarsylasy 7 eıs, 8 breıkpen (14 breık-poınt) kózge tústi.

Osylaısha, jekeleı synda AQSh ashyq chempıonatynda Qazaqstannan Elena Rybakına ǵana qaldy.

Búgin juptyq synda óner kórsetetin qazaqstandyq tennısshiler dodaǵa qosylady.

Eske sala keteıik, budan buryn Aleksandr Býblıktiń 2020 jylǵy chempıonǵa jol bergenin jazǵan edik.

Elena Rybakına AQSh ashyq chempıonatyn jeńispen bastady.

ıÝlııa Pýtıntseva ekinshi aınalymǵa shyǵa almady.