US Open: Tımofeı Skatov tartysty matchta álemniń 7-raketkasyna jol berdi

ASTANA. KAZINFORM — Qazaqstandyq tennısshi, álemniń 188-raketkasy, 23 jastaǵy Tımofeı Skatov AQSh ashyq chempıonatynyń ekinshi aınalymynan tys qaldy.

T.Skatov irikteý saıystarynan sátti ótkenimen, negizgi jarysta birden azýly qarsylas – álemniń 7-raketkasy, Polsha ókili Hýbert Hýrkachqa tap keldi.

Birinshi partııada polıak tennısshisi 6:3 esebimen basymdylyq tanytty. Budan keıin match tartysty órbip, qos set te taı-breıkpen 27 jastaǵy tájirıbeli Hýrkachtyń paıdasyna aıaqtaldy – 7:6 (7:4), 7:6 (7:3).

Úsh saǵatqa jýyq ýaqytqa sozylǵan básekede Skatov 3 eıspen birge 4 breık-poınttyń teń jartysyn paıdalandy. Hýrkach 27 eıs, 3 breıkpen (9 breık-poınt) kózge tústi.

H.Hýrkach úshinshi aınalymǵa shyǵý úshin álemniń 32-raketkasy, aýstralııalyq Djordan Tompsonmen sheberlik baıqasady.

Osylaısha, AQSh ashyq chempıonatynda erler arasynda jekeleı synda Qazaqstannan Aleksandr Shevchenko ǵana qaldy. Ol ekinshi aınalymda álemniń 20-raketkasy, amerıkalyq Frensıs Tıafomen kezdesedi. 

T.Skatov ótken jylǵy nátıjesin qaıtalady. 

Eske sala keteıik, budan buryn AQSh ashyq chempıonatynda Novak Djokovıchtiń jeńis sany jóninen Rodjer Federermen teńeskenin jazǵan bolatynbyz.

Sondaı-aq Beıbit Juqaev Qytaıdaǵy jarysty jeńispen bastady.