US Open: Tımofeı Skatov negizgi týrnırge joldama aldy
Qazaqstandyq tennısshi aldymen dúnıejúzilik reıtıngte 240-orynda turǵan japonııalyq Kaıcha Ýchıdany joldan taıdyrdy – 6:2, 6:2.
Sodan keıin reıtıngte 169-satydaǵy ıtalııalyq Raýl Brankachchıony súrindirdi – 6:4, 6:3.
Іrikteý saıystarynyń fınalynda T.Skatov álemniń 112-raketkasy, aýstralııalyq Djeıms Dakvortty 6:2, 6:2 esebimen tize búktirdi. Bir saǵattan astam ýaqytqa sozylǵan matchta Tımofeı 3 eıs jasap, 8 breık-poınttyń teń jartysyn paıdalandy. Qarsylasy 3 eıspen ǵana shekteldi.
Osymen úshinshi ret «Úlken dýlyǵa» týrnırine joldama alǵan 22 jastaǵy T.Skatovtyń AQSh ashyq chempıonatynyń negizgi jarysyndaǵy qarsylasy keıin anyqtalady.
Qazaqstannyń birinshi, álemniń 27-raketkasy Aleksandr Býblık alǵashqy aınalymda reıtıngte 82-oryndaǵy aýstrııalyq, 2020 jylǵy AQSh chempıonatynyń jeńimazy Domınık Tımmen sheberlik baıqasady.
Áıelder arasynda Qazaqstannyń birinshi, álemniń 4-raketkasy Elena Rybakına reıtıngte 37-orynda turǵan ýkraınalyq Marta Kostıýkpen kezdesedi. Reıtıngte 79-satydaǵy ıÝlııa Pýtıntsevanyń birinshi aınalymdaǵy qarsylasy – álemniń 53-raketkasy, ıtalııalyq Martına Trevızan.
