US Open: Sonıa Jıenbaeva jasóspirimder arasynda úshinshi aınalymǵa shyqty

ASTANA. KAZINFORM — Qazaqstandyq tennısshi Sonıa Jıenbaeva jasóspirimder arasynda AQSh ashyq chempıonatynyń úshinshi aınalymyna joldama aldy.

Jarystyń 14-raketkasy bolyp tirkelgen, WTA reıtıngisinde 779-orynda turǵan Sonıa Jıenbaeva ekinshi aınalymda amerıkalyq Alanıs Hemıltondy qapy qaldyrdy.

Qazaqstandyq tennısshi birinshi partııada 6:3 esebimen basym tússe, ekinshisinde taı-breıkte tabandylyq tanytty – 7:6 (7:3). 

Birshama tartysty ótken báseke saǵat jarymnan astam ýaqytqa sozyldy.

Sonıa Jıenbaeva shırek fınalǵa shyǵý úshin osy dodanyń 3-raketkasy, WTA reıtıngisinde 389-satydaǵy taǵy bir amerıkalyq Iva ıAkshıchpen talasady. 

Eske sala keteıik, budan buryn tennısten Danııamen oınaıtyn Qazaqstan quramasy anyqtalǵanyn jazǵan bolatynbyz.

Sondaı-aq Beıbit Juqaev Shanhaıda kambek jasap, ekinshi aınalymǵa ótti.