US Open: Shvedova qarsylasyna ese jiberdi
NUR-SULTAN. QazAqparat – Qazaqstan áıelder quramasynyń kapıtany ıAroslava Shvedova US Open týrnırinde qarsylasyna ese jiberdi, dep habarlaıdy QazAqparat tilshisi.
Dúnıejúzilik reıtıngte 452-orynda turǵan ıA.Shvedova alǵashqy aınalymda álemniń 99-raketkasy, ıtalııalyq ıAsmın Paolınımen sheberlik baıqasty.
Bul kezdesýde ıtalııalyq tennısshi 6:3, 6:4 esebimen jeńiske jetti.
ıA.Paolını 1 saǵattan astam ýaqytqa sozylǵan báseke barysynda 1 eıs jasap, 7 breık-poınttyń altaýyn óz esebine jazdy. ıA.Shvedova 4 eıs, 4 breıkke (6 breık-poınt) qol jetkizdi.
Osylaısha AQSh ashyq chempıonatynda jekeleı synda tórt qazaqstandyq tennısshiniń úsheýi jeńilis tapty. Tek Elena Rybakına ǵana kelesi kezeńge ótti.
Búgin erler arasynda Qazaqstannyń birinshi raketkasy Aleksandr Býblık germanııalyq ıAnnık Hanfmanmen kortqa shyǵady. Sondaı-aq Zarına Dııas amerıkalyq Amanda Anısımovamen oınaıdy.
Eske sala keteıik, budan buryn ıÝlııa Pýtıntsevanyń US Open týrnırinde jeńilip qalǵanyn, Elena Rybakınanyń jeńispen bastaǵanyn, Mıhaıl Kýkýshkınniń ekinshi aınalymǵa shyǵa almaǵanyn jazǵan bolatynbyz.
