US Open: Mıhaıl Kýkýshkın irikteý saıysynyń jartylaı fınalyna joldama aldy

ASTANA. KAZINFORM — Qazaqstandyq tennısshi, álemniń 236-raketkasy Mıhaıl Kýkýshkın AQSh ashyq chempıonatynyń irikteý saıysyn sátti bastady.

Qazaqstandyq sportshy irikteý saıysynyń shırek fınalynda álemniń 142-raketkasy, ıtalııalyq Andrea Pellegrınoǵa tap keldi.

Birinshi partııada taı-breıkte Kýkýshkın tabandylyq tanytty – 7:6 (7:4).

Ekinshi set 6:3 esebimen qazaqstandyqtyń paıdasyna sheshildi.

Bir saǵat 39 mınýtqa sozylǵan báseke barysynda Kýkýshkın 5 eıspen birge 9 breık-poınttyń úsheýin múlt jibergen joq. Pellegrıno 6 eıs, 2 breıkten (4 breık-poınt) asa almady.

Mıhaıl Kýkýshkın irikteý saıysynyń fınalyna shyǵý úshin reıtıngide 151-oryndaǵy ulybrıtanııalyq Bıllı Harrıspen talasady.

AQSh ashyq birinshiliginiń irikteý týrnırinde Qazaqstannan sondaı-aq Beıbit Juqaev pen Dmıtrıı Popko baq synaıdy. 

Eske sala keteıik, budan buryn AQSh ashyq chempıonatynda Elena Rybakınanyń mıkstegi qarsylasy anyqtalǵanyn jazǵan edik.