US Open: Mıhaıl Kýkýshkın negizgi týrnırge óte almaı qaldy
NUR-SULTAN. QazAqparat – Qazaqstandyq, álemniń 129-raketkasy Mıhaıl Kýkýshkın US Open jarysynyń negizgi týrnırine óte almady, dep habarlaıdy QazAqparat tilshisi.
Іrikteý saıystarynyń 13-raketkasy bolyp tirkelgen M.Kýkýshkın irikteý saıystarynyń fınalynda álemniń 150- raketkasy, frantsııalyq Antýan Oanmen kezdesti.
Qazaqstandyq tennısshi birinshi sette qarsylasyna esh múmkindik bergen joq – 6:0.
Ekinshi partııada taı-breıkte A.Oannyń joly boldy – 7:6 (8:6).
Frantsııalyq sportshy úshinshi, sheshýshi sette jeńisti julyp áketti – 7:5.
Tartysty match 2 saǵat 42 mınýtqa sozyldy. Báseke barysynda M.Kýkýshkın 4 eıs jasap, 8 breık-poınttyń teń jartysyn paıdalandy. Qarsylasy 4 eıs, 2 breıkke qol jetkizdi.
Osylaısha US Open dodasynda erler arasynda jekeleı synda Qazaqstannan álemniń 37-raketkasy Aleksandr Býblık qana óner kórsetetin boldy. Onyń qarsylasy – reıtıngte
134-satydaǵy germanııalyq ıAnnık Hanfmann.
Eske sala keteıik, budan buryn M.Kýkýshkınniń US Open týrnıriniń irikteý saıysynyń fınalyna shyqqanyn, sondaı- aq qazaqstandyq tennısshilerdiń qarsylastary anyqtalǵanyn jazǵan bolatynbyz. Sondaı-aq Zańǵar Nurlanuly Majarstanda ótken jarystyń jeńimpazy atandy.
