US Open: Mıhaıl Kýkýshkın irikteý saıysynyń fınalyna shyqty
NUR-SULTAN. QazAqparat – Qazaqstandyq, álemniń 129-raketkasy Mıhaıl Kýkýshkın US Open týrnıri irikteý saıysynyń fınalyna shyqty, dep habarlaıdy QazAqparat tilshisi.
Іrikteý saıystarynyń 13-raketkasy bolyp tirkelgen M.Kýkýshkın jartylaı fınalda dúnıejúzilik reıtıngte 168-satyda turǵan, taıbeılik Djeıson Djangpen sheberlik baıqasady.
Qazaqstandyq tennısshi qarsylasyn 6:4, 6:3 esebimen eki sette utty.
1 saǵat 26 mınýtqa sozylǵan match barysynda M.Kýkýshkın 2 eıs jasap, 5 breık-poınttyń úsheýin paıdalandy. Taıbeılik sportshy 1 eıspen ǵana shekteldi.
M.Kýkýshkın irikteý saıystarynyń fınalynda álemniń 150-raketkasy, frantsııalyq Antýan Oanmen kúsh synasady. Ony jeńse, negizgi týrnırge joldama alady.
Qazaqstannyń birinshi, álemniń 37-raketkasy Aleksandr Býblık 30 tamyzda bastalatyn negizgi jarysta óner kórsetedi. Onyń qarsylasy – reıtıngte 134-satydaǵy germanııalyq ıAnnık Hanfmann.
Eske sala keteıik, budan buryn M.Kýkýshkınniń US Open týrnıriniń irikteý saıysyn jeńispen bastaǵanyn jazǵan bolatynbyz.
