US Open: qazaqstandyq tennısshilerdiń qarsylastary anyqtaldy
NUR-SULTAN. QazAqparat – 30 tamyzda bastalatyn US Open týrnırinde qazaqstandyq tennısshilerdiń qarsylastary anyqtaldy, dep habarlaıdy QazAqparat tilshisi.
Jekeleı synda áıelder arasyndaǵy jarysqa Qazaqstannan tórt tennısshi qatysady.
Elimizdiń birinshi, álemniń 20-raketkasy Elena Rybakına alǵashqy aınalymda dúnıejúzilik reıtıngide 99-orynda turǵan Belarýs ókili, tájirıbeli sportshy Aleksandra Sasnovıchpen kezdesedi.
Álemniń 33-raketkasy ıÝlııa Pýtıntseva reıtıngte 70-oryndaǵy, taǵy bir tisqaqqan oıynshy, 36 jastaǵy estonııalyq Kaııa Kanepımen kúsh synasady.
Reıtıngte 110-orynda turǵan Zarına Dııasqa álemniń 73-raketkasy, jýyrda 20 jasqa tolatyn amerıkalyq Amanda Anısımova qarsylas atandy.
Qazaqstan áıelder quramasynyń kapıtany, reıtıngte 449-satydaǵy tájirıbeli ıAroslava Shvedova álemniń 98-raketkasy, ıtalııalyq ıAsmın Paolınımen kortqa shyǵady.
Eske sala keteıik, budan buryn M.Kýkýshkınniń US Open týrnıriniń irikteý saıysynyń fınalyna shyqqanyn jazǵan bolatynbyz.
Erler arasynda Qazaqstannyń birinshi, álemniń 37-raketkasy Aleksandr Býblık alǵashqy aınalymda reıtıngte 134-satydaǵy germanııalyq ıAnnık Hanfmannyń shamasyn baıqap kóredi. Eger M.Kýkýshkın irikteý saıystarynyń fınalynda qarsylasyn utsa, negizgi dodaǵa ol da qosylady.
