US Open: Qazaqstandyq qos jasóspirim irikteý jarysynyń fınalyna shyqty
NUR-SULTAN. QazAqparat – Qazaqstandyqtar Sandýǵash Kenjebaeva men Arýjan Saǵyndyqova jasóspirimder arasynda AQSh ashyq chempıonaty irikteý saıystarynyń fınalyna shyqty, dep habarlaıdy QazAqparat tilshisi.
Іrikteý saıysynyń 4-raketkasy bolyp tirkelgen S.Kenjebaeva nıderlandtyq Marı Neıkampty tize búktirdi.
Birinshi partııada Sandýǵash 1:4 esebimen jeńilip jatyp, tarazy basyn teńestire bildi. Sosyn taı-breıkte sátti oınady – 7:6 (8:6).
Ekinshi sette 5:0 esebimen alǵa ketip, matchty jeńispen túıindedi – 6:2.
S.Kenjebaeva irikteý saıystarynyń fınalynda Polsha ókili Veronıka Evaldpen sheberlik baıqasady.
Taǵy bir qazaqstandyq, irikteý saıystarynyń 1-raketkasy Arýjan Saǵyndyqova japonııalyq Harýka Hasegavamen kezdesti.
Birinshi partııada Arýjan 6:4 esebimen basym tússe, ekinshisinde qarsylasy ese qaıyrdy - 6:3.
Sýper taı-breıkte qazaqstandyq tennısshi jeńisti julyp aldy – 10:7.
A.Saǵyndyqova irikteý saıystarynyń fınalynda amerıkalyq Djýletta Pareha nemese polıak qyzy Ada Pıshtrınskanyń bireýimen sheberlik baıqasady.
Qazaqstandyq jas tennısshiler fınalda utsa, negizgi týrnırge joldama alady.
Eske sala keteıik, budan buryn AQSh ashyq chempıonatynda Anna Danılınanyń ekinshi aınalymǵa shyqqanyn jazǵan bolatynbyz.
Sondaı-aq tennısshi Jibek Qulambaeva Almaty týrnıriniń fınalyna joldama aldy.
