US Open: Qazaqstandyq tennısshilerdiń alǵashqy qarsylastary anyqtaldy
ASTANA. KAZINFORM — Nıý-Iork qalasynda tennısten 30 tamyz – 13 qyrkúıek aralyǵynda ótetin AQSh ashyq chempıonatynyń jerebesi tartyldy.
Jyldyń tórtinshi «Úlken dýlyǵa» týrnırinde jekeleı synda Qazaqstannan Elena Rybakına, ıÝlııa Pýtıntseva, Aleksandr Býblık jáne Aleksandr Shevchenko baq synaıdy.
Álemniń 2-raketkasy E.Rybakına alǵashqy aınalymda reıtıngide 580-oryndaǵy amerıkalyq, 17 jastaǵy Teıa Frodınmen oınaıdy.
Taǵy bir qazaqstandyq, reıtıngide 80-satydaǵy ıÝlııa Pýtıntseva álemniń 12-raketkasy, Tokıo Olımpıadasynyń chempıony, shveıtsarııalyq Belında Benchıchke tap boldy.
Erler arasynda álemniń 16-raketkasy Aleksandr Býblık bastapqy kezdesýin reıtıngide 248-oryndaǵy amerıkalyq Djeffrı-Djon Výlfpen ótkizedi.
Reıtıngide 97-oryndaǵy Aleksandr Shevchenko álemniń 101-raketkasy, horvatııalyq Dıno Prıjmıchten ótýge tyrysyp kóredi.
Ótken jyly AQSh ashyq chempıonatynda áıelder arasynda Belarýs ókili Arına Sobolenko jáne erlerden ıspanııalyq Karlos Alkaras úzdik atanǵan bolatyn. Bıyl sol chempıondyq ataqtaryn qorǵaýy tıis.
E.Rybakınanyń osynyń aldynda Tsıntsınnatı WTA 1000 týrnıriniń shırek fınalynda jaraqat alǵany belgili. Eger ol densaýlyǵy syr bermeı, sátti óner kórsetip, AQSh ashyq chempıonatynyń jartylaı fınalyna deıin jetse, álemdik reıtıngide kósh bastaıdy.
Eske sala keteıik, budan buryn Tımofeı Skatovtyń AQSh ashyq chempıonatynyń irikteý saıysyn sátti bastaǵanyn jazǵan edik.
T.Skatov irikteý saıysynyń jartylaı fınalynda bolgarııalyq Grıgor Dımıtrovtan 6:7 (5:7), 4:6 esebimen jeńilis taýyp, jarys jolynan shyǵyp qaldy.
