US Open: Qazaqstandyq tennısshiler kimdermen oınaıdy
ASTANA. KAZINFORM — Tennısten AQSh ashyq chempıonatynyń jerebesi tartyldy.
Qazaqstannyń birinshi, álemniń 10-raketkasy Elena Rybakına alǵashqy aınalymda dúnıejúzilik reıtıngide 338-oryndaǵy amerıkalyq Djýletta Parehamen oınaıdy.
Túrli týrnırde qatarynan sońǵy alty matchynda utylǵan álemniń 54-raketkasy ıÝlııa Pýtıntseva bul joly reıtıngide 87-satydaǵy ıtalııalyq Elızabetta Kochcharettodan ótýge tyrysyp kóredi.
Áıelder arasyndaǵy doda 24 tamyz – 6 qyrkúıek aralyǵynda ótedi.
Ótken jyly AQSh chempıonatynda fınalda amerıkalyq Djessıka Pegýlany súrindirgen Belarýs sportshysy Arına Sobolenko úzdik shyqqan edi.
Bıyl mıkste Elena Rybakına men amerıkalyq Teılor Frıtsti utqan ıtalııalyqtar Sara Erranı – Andrea Vavassorı chempıon atandy. Olar fınalda Polsha ókili Iga Shventek – norvegııalyq Kasper Rýýdty qapy qaldyrdy.
Erler arasynda jekeleı synda jarystyń 23-raketkasy bolyp tirkelgen Aleksandr Býblık 2014 jylǵy AQSh ashyq chempıonatynyń jeńimpazy, qazir reıtıngide 61-satydaǵy horvatııalyq, 36 jastaǵy Marın Chılıchpen kortqa shyǵady.
Al reıtıngide 89-oryndaǵy Aleksandr Shevchenkonyń qarsylasy – álemniń 18-raketkasy, ıspanııalyq Alehandro Davıdovıch-Fokına.
Býblık pen Shevchenkonyń qataryna qazirgi kezde irikteý saıystaryna qatysyp jatqan Beıbit Juqaev, Mıhaıl Kýkýshkın, Dmıtrıı Popkonyń qosylyp qalýy múmkin.
Ótken jyly osy «Úlken dýlyǵa» týrnırinde ıÝ.Pýtıntseva úshinshi, E.Rybakına men A.Shevchenko ekinshi, A.Býblık pen T.Skatov alǵashqy aınalymnan asa almaǵan edi. Sondyqtan sátti óner kórsetse, tórt tennısshi reıtıngide joǵarylaı alady.
AQSh ashyq birinshiliginiń bıylǵy júlde qory 90 mln dollarǵa (ótken jyly – 75 mln) jetti. Erler jáne áıelder arasynda chempıon atanǵandar 5 mln, fınalıster 3,6 mln AQSh dollarynan alady.
Eske sala keteıik, budan buryn Jibek Qulambaevanyń Rýmynııadaǵy týrnırdiń fınalyna shyǵý úshin talasatynyn jazǵan edik.
J.Qulambaeva juptyq synda rýmynııalyq Georgeta Prıshakarıýmen birge Bıstrıtsa ITF W50 týrnıriniń jartylaı fınalynda tartysty básekede jarystyń 1-raketkalary, ıspanııalyq Andjela Fıta Bolýda – shveıtsarııalyq Ilena In-Albonǵa jol berdi – 7:5, 4:6, 9:11. Oıyn 1 saǵat 37 mınýtqa sozyldy.