US Open: Ispanııa tennısshileri HHІ ǵasyrda antırekord ornatty

ASTANA. KAZINFORM — Álemniń 3-raketkasy, Ispanııa juldyzy, 21 jastaǵy Karlos Alkaras AQSh ashyq chempıonatynda kútpegen jerden jarys jolynan shyǵyp qaldy.

Ispanııalyq tennısshi ekinshi aınalymda dúnıejúzilik reıtıngide 74-orynda turǵan nıderlandylyq Botık van de Zandshýlpqa ese jiberdi — 1:6, 5:7, 4:6.

K.Alkarastyń jeńilisinen keıin AQSh chempıonatynda erler arasynda jekeleı synda Ispanııadan birde-bir oıynshy qalmady. Buǵan deıin ekinshi aınalymda Roberto Karbales-Baena (ATP reıtıngisinde 55-oryn), Roberto Baýtısta-Agýt (№ 67) jáne Pedro Martınes-Portero (№ 43) qarsylastaryna jol berdi. Taǵy tórt tennısshi, atap aıtqanda, Haýme Mýnar (№ 84), Albert Ramos-Vınolas (№ 122), Pablo Karreno-Býsta (№ 213) jáne Alehandro Davıdovıch-Fokına (№ 59) birinshi kezdesýinde-aq jeńilgen.

Osylaısha, ıspanııalyq oıynshylar HHІ ǵasyrda AQSh ashyq chempıonatynda antırekord ornatty. Budan buryn 1999 jyly US Open jarysynda ıspanııalyqtar úshinshi aınalymǵa óte almaǵan edi. Sol nátıje 25 jyldan keıin qaıtalanyp otyr.

Bıyl qazaqstandyq erler de sátsiz óner kórsetti. Aleksandr Býblık alǵashqy, Aleksandr Shevchenko ekinshi aınalymnan asa almady.

Qazirgi kezde jekeleı synda Qazaqstannan áıelder arasynda ıÝlııa Pýtıntseva ǵana qaldy. 
Eske sala keteıik, budan buryn AQSh ashyq chempıonatynda ıÝlııa Pýtıntsevanyń qytaılyq qarsylasyn jeńip, úshinshi aınalymǵa shyqqany jazǵan bolatynbyz.

Elena Rybakına US Open týrnırinen nege bas tartqanyn túsindirdi.

Anna Danılına US Open týrnırin jeńispen bastady.