US Open: Elena Rybakına úshinshi aınalymǵa shyqty
NUR-SULTAN. QazAqparat – Qazaqstannyń birinshi, álemniń 20-raketkasy Elena Rybakına US Open týrnıriniń úshinshi aınalymyna shyqty, dep habarlaıdy QazAqparat tilshisi.
Osy «Úlken dýlyǵa» dodasynyń 19-raketkasy bolyp tirkelgen E.Rybakına ekinshi aınalymda dúnıejúzilik reıtıngte 62-orynda turǵan frantsııalyq Karolnn Garsııamen kortqa shyqty.
Bir saǵattan sál astam ýaqytqa sozylǵan matchta qazaqstandyq tennısshi qarsylasyn 6:1, 6:4 esebimen qınalmaı utty.
E.Rybakına báseke barysynda 11 eıs jasap, 6 breık-poınttyń teń jartysyn paıdalandy. Breıkke qol jetkizbegen K.Garsııa 1 ǵana eıspen shekteldi.
Qazaqstandyq sportshynyń kelesi qarsylasy asa myqty. Ol – kezinde reıtıngte kósh bastaǵan 2018 jylǵy Rolan Garros, 2019 jylǵy Ýımbldon týrnırleriniń chempıony, bıyl jaraqatyna baılanysty onsha óner kórsete almaǵan, qazirgi kezde reıtıngte 13-orynda turǵan rýmynııalyq Sımona Halep. S.Halep te ekinshi kezdesýinde slovakııalyq Krıstına Kýtsovany 6:3, 6:1 esebimen tize búktirdi.
Eske sala keteıik, budan buryn ıAroslava Shvedovanyń US Open týrnırinde qarsylasyna ese jibergenin, Aleksandr Býblıktiń ekinshi aınalymǵa ótkenin, sondaı-aq ıÝlııa Pýtıntseva men Zarına Dııastyń Astana Open týrnırine qatysatynyn jazǵan bolatynbyz.
