US Open: Elena Rybakına 16 jastaǵy tennısshini oısyrata utty

ASTANA. KAZINFORM — Qazaqstannyń birinshi, álemniń 10-raketkasy Elena Rybakına AQSh ashyq chempıonatyn sátti bastady.

Qazaqstandyq tennısshi alǵashqy aınalymda «Úlken dýlyǵa» týrnırine arnaıy shaqyrtý alǵan reıtıngide 338-oryndaǵy amerıkalyq, 16 jastaǵy Djýletta Parehany synap kórdi. 

Birinshi partııada Elena 3:1 esebimen alǵa shyǵyp, sol basymdylyǵynan aıyrylǵan joq – 6:3.
Ekinshi sette E.Rybakına tipti bet qaratpady – 6:0.

Bir saǵattan sál astam ýaqytqa sozylǵan básekede Rybakına 6 eıspen birge 9 breık-poınttyń tórteýin óz esebine jazdy. 

Elena Rybakına úshinshi aınalymǵa ótý úshin álemniń 96-raketkasy, 18 jastaǵy chehııalyq Tereza Valentovamen talasady. 

Eske sala keteıik, budan buryn ıÝlııa Pýtıntsevanyń AQSh ashyq chempıonatyn jeńispen bastaǵanyn jazǵan edik.