US Open: Dmıtrıı Popko irikteý týrnırin sátti bastady

ASTANA. KAZINFORM — Qazaqstandyq tennısshi, álemniń 239-raketkasy Dmıtrıı Popko AQSh ashyq chempıonaty irikteý saıysynyń jartylaı fınalyna shyqty.

Qazaqstandyq tennısshi irikteý saıysynyń shırek fınalynda álemniń 140-raketkasy, brazılııalyq Tıago Ýaıldpen sheberlik baıqasty.

Popko birinshi partııada taı-breıkte tarazy basyn ózine aýdardy — 7:6 (7:4).
Ekinshi set 6:3 esebimen aıaqtaldy.

Bir saǵat 41 mınýtqa sozylǵan básekede Popko 8 eıspen birge 6 breık-poınttyń ekeýin óz esebine jazdy. Ýaıld 6 eıs, 1 breıkpen (2 breık-poınt) shekteldi.

Dmıtrıı Popko irikteý saıysynyń jartylaı fınalynda dúnıejúzilik reıtıngide 184-orynda turǵan frantsııalyq ıÝgo Blanshemen oınaıdy. 

Taǵy bir qazaqstandyq, álemniń 192-raketkasy Beıbit Juqaev búgin keshke reıtıngide 197-oryndaǵy amerıkalyq Djek Pınnıngton-Djonspen kortqa shyǵady.

Eske sala keteıik, budan buryn AQSh ashyq chempıonatynda Elena Rybakınanyń mıkstegi qarsylasy anyqtalǵanyn jazǵan edik. 

Mıhaıl Kýkýshkın irikteý saıysynyń jartylaı fınalyna joldama aldy.