US Open: áıelder arasynda jeńimpaz anyqtaldy

ASTANA. KAZINFORM – Tennısten AQSh ashyq chempıonatynda áıelder arasynda jekeleı synda fınaldyq match máresine jetti.

Álemniń 2-raketkasy, belarýs sportshysy Arına Sobolenko dúnıejúzilik reıtıngide 6-orynda turǵan amerıkalyq Djessıka Pegýlany 7:5, 7:5 esebimen utty.

Budan buryn taǵy belarýs sportshy Tsıntsınnatı (AQSh) WTA 1000 týrnırinde dál sol D.Pegýlany 6:3, 7:5 esebimen utqan edi.

Osylaısha, qatarynan eki jarysta jeńimpaz atanǵan A.Sobolenko jeńis serııasyn 12 oıynǵa jetkizdi.

Bul – onyń «Úlken dýlyǵa» týrnırlerindegi úshinshi tıtýly. Budan buryn ol 2023 jáne 2024 jyldary Aýstralııa chempıonatynda úzdik shyqqan edi. Sonyń ishinde 2023 jyly fınalda qazaqstandyq Elena Rybakınany utqan bolatyn – 4:6, 6:3, 6:4.

Erler arasynda fınalda álemniń 1-raketkasy, Italııa ókili ıAnnık Sınner men reıtıngide 12-oryndaǵy amerıkalyq Teılor Frıtts chempıondyq ataq úshin talasady.

Eske sala keteıik, budan buryn áıelder arasynda fınalǵa shyqqan tennısshiler anyqtalǵanyn jazǵan bolatynbyz.

Sondaı-aq ıAnnık Sınner chempıon atana ala ma.