US Open: Anna Danılına juptyq synda ekinshi aınalymǵa joldama aldy
ASTANA. KAZINFORM — Qazaqstannyń juptyq syndaǵy birinshi raketkasy Anna Danılına AQSh ashyq chempıonatyn jeńispen bastady.
«Úlken dýlyǵa» týrnıriniń 9-raketkalary bolyp tirkelgen A.Danılına – serbııalyq Aleksandra Krýnıch alǵashqy aınalymda horvatııalyq Antonııa Rýzıch – nıderlandylyq Bıbıana Shoofspen sheberlik baıqasty.
Birinshi partııada Danılına – Krýnıch 6:1 esebimen aıqyn basymdylyq tanytty.
Ekinshi set te dál osyndaı eseppen aıaqtaldy – 6:1.
Bir saǵat 3 mınýtqa sozylǵan básekede qazaqstandyq-serbııalyq jup 1 eıspen birge 10 breık-poınttyń teń jartysyn qur jibergen joq. Rýzıch – Shoofs 3 breık-poıntty paıdalana almady.
Anna Danılına – Aleksandra Krýnıchtiń kelesi qarsylastary keıin anyqtalady.
Eske sala keteıik, budan buryn Aleksandr Býblıktiń AQSh ashyq chempıonatynyń úshinshi aınalymyna ótkenin jazǵan edik.
Elena Rybakına AQSh chempıonyn oısyrata utyp, tórtinshi aınalymǵa shyqty.
