US Open: Anna Danılına juptyq synda ekinshi aınalymǵa ótti
ASTANA. KAZINFORM – Qazaqstannyń juptyq syndaǵy birinshi, álemniń 6-raketkasy Anna Danılına AQSh ashyq chempıonatynyń ekinshi aınalymyna shyqty.
Serbııalyq Aleksandra Krýnıchpen «Úlken dýlyǵa» týrnıriniń 3-raketkasy bolyp tirkelgen A.Danılına alǵashqy aınalymda Chılı ókili Aleksa Gýarachı – mysyrlyq Maıar Sherıfpen kezdesti.
Birinshi partııada esep 5:5 bolǵan mezette qazaqstandyq-serbııalyq jup breık jasaı bildi – 7:5.
Ekinshi set barysynda qarsylastar breık almasty. Sodan keıin esep 5:5 bolǵanda, A.Danılına – A.Krýnıch taǵy bir breıkke qol jetkizdi. Biraq Gýarachı – Sherıf ta qalyspady – 6:6. Taı-breıkte Anna men Aleksandranyń asyǵy alshysynan tústi – 7:6 (9:7).
Bir saǵat 59 mınýtqa sozylǵan tartysty básekede Danılına – Krýnıch 12 breık-poınttyń úsheýin paıdalandy. Gýarachı – Sherıf 1 eıs, 2 breıkpen (6 breık-poınt) shekteldi.
Anna Danılına – Aleksandra Krýnıchtiń kelesi qarsylastary keıin anyqtalady.
Eske sala keteıik, budan buryn Anna Danılınanyń jyldyń qorytyndy týrnırine joldama alǵanyn jazǵan edik.
AQSh ashyq chempıonatynda ıÝlııa Pýtıntseva jarys jolyn aıaqtady.
Elena Rybakına úshinshi aınalymǵa joldama aldy.
