US Open: Anna Danılına ekinshi aınalymǵa joldama aldy

ASTANA. QazAqparat – Qazaqstannyń juptyq syndaǵy birinshi, álemniń 29-raketkasy Anna Danılına AQSh ashyq chempıonatynyń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi ulybrıtanııalyq Hızer Ýotsonmen birge bastapqy kezdesýin amerıkalyqtar Emma Navarro – Peıton Sternspen ótkizdi.

Bir saǵattan astam ýaqytqa sozylǵan kezdesýde qazaqstandyq-ulybrıtanııalyq jup 6:2, 6:4 esebimen jeńiske jetti. Olar 6 breık-poınttyń tórteýin paıdalandy. Qarsylas dýet 3 eıs, 1 breıkpen kózge tústi.

A.Danılına – H.Ýotson úshinshi aınalymǵa shyǵý úshin japonııalyq Mııý Kato – ındonezııalyq Aldıla Sýtdjıadımen talasady.

Anna Danılına fınlıandııalyq Harrı Helıovaaramen birge aralas jupta da jarysty jalǵastyrýda. Olar alǵashqy aınalymda amerıkalyq Nıkol Melıchar – aýstralııalyq Mettıý Ebdendi 6:3, 5:7, 10:7 esebimen jeńdi. Endi ekinshi aınalymda amerıkalyqtar Alısııa Parks – Denıs Kýdlamen sheberlik baıqasady.

Taǵy bir qazaqstandyq ıÝlııa Pýtıntseva juptyq synda ulybrıtanııalyq Ketı Býltermen birge qytaılyq Lın Chjý – taıbeılik Ý Fan Sıannan (3:6, 3:6) jeńilis taýyp, jarys jolynan birjola shyǵyp qaldy.

Eske sala keteıik, budan buryn Elena Rybakınanyń AQSh ashyq chempıonatynyń úshinshi aınalymyna ótkenin jazǵan bolatynbyz.