US Open: Anna Danılına 1/8 fınalǵa joldama aldy

ASTANA. KAZINFORM — Qazaqstannyń juptyq syndaǵy birinshi raketkasy Anna Danılına AQSh ashyq chempıonatynyń úshinshi aınalymyna shyqty.

«Úlken dýlyǵa» týrnıriniń 9-raketkalary bolyp tirkelgen A.Danılına – serbııalyq Aleksandra Krýnıch ekinshi aınalymda rýmynııalyq Monıka Nıkýleský – latvııalyq Anastasııa Sevastovamen synǵa tústi.

Birinshi partııada qazaqstandyq-serbııalyq jup qos breıkpen basymdylyq tanytty – 6:2.

Ekinshi sette de esepti 5:1-ge jetkizdi. Sodan keıin rýmynııalyq-latvııalyq dýet breık jasady. Degenmen Danılına – Krýnıch matchty breıkpen túıindedi – 6:2.

Bir saǵat 9 mınýtqa sozylǵan básekede Danılına – Krýnıch 3 eıspen birge 10 breık-poınttyń teń jartysyn qur jibergen joq. Nıkýleský – Sevastova 2 eıs, 1 breıkpen shekteldi.

Anna Danılına – Aleksandra Krýnıchtiń kelesi qarsylastary keıin belgili bolady.

Eske sala keteıik, budan buryn AQSh ashyq chempıonatynda Aleksandr Býblıktiń álemniń 1-raketkasymen oınaıtynyn jazǵan edik.