US Open: Andreı Golýbev juptyq synda shırek fınalǵa shyǵa almady
NUR-SULTAN. QazAqparat – Qazaqstandyq Andreı Golýbev juptyq synda US Open týrnıriniń shırek fınalyna shyǵa almady, dep habarlaıdy QazAqparat tilshisi.
Atalmysh «Úlken dýlyǵa» jarysynda 15-inshi jup bolyp tirkelgen Andreı Golýbev pen germanııalyq Andreas Mes úshinshi aınalymda osy týrnırdiń 3-raketkalary, frantsııalyqtar Per-ıÝg Erber – Nıkolıa Maıýmen kúsh synasty.
Birinshi partııada qazaqstandyq-germanııalyq jup óz sheberlikterin tanyta bildi – 6:4.
Ekinshi sette frantsııalyqtar esep 6:5 bolǵan mezette breık jasap ketti – 7:5.
Úshinshi, sheshýshi partııada esep 3:2 bolǵanda, frantsııalyq jup taǵy da breık jasady. Aqyry osy basymdylyqty ýysynan shyǵarǵan joq – 6:3.
2 saǵat 19 mınýtqa sozylǵan tartysty match barysynda Golýbev pen Mes 8 eıs jasap, 4 breık-poınttyń ekeýin paıdalandy. Qarsylastary 3 eıs, 3 breıkke (11 breık-poınt) qol jetkizdi.
P.Erber men N.Maıý shırek fınalda aýstralııalyq Djon Pırs – slovakııalyq Fılıp Polashek nemese nıderlandylyqtar Ýes Kolhof – Jan-Jıýlen Roıer juptarynyń qaı jeńgenimen kortqa shyǵady.
Budan buryn AQSh ashyq chempıonatynda Qazaqstan áıelder quramasynyń kapıtany ıAroslava Shvedova aralas juptyq synda frantsııalyq Fabrıs Martenmen shırek fınalǵa ótken bolatyn. Bul jup jartylaı fınalǵa shyǵý úshin ýkraınalyq Daıana ıAstremskaıa – aýstralııalyq Maks Perselmen talasady.
Eske sala keteıik, budan buryn US Open týrnırinde Andreı Golýbev pen ıAroslava Shvedovanyń sátti óner kórsetip jatqanyn, Grıgorıı Lomakınniń Ýkraınadaǵy jarystyń jeńimpazy atanǵanyn jazǵan bolatynbyz.
Sondaı-aq Qazaqstan chempıonatynda 100-den astam sportshy baq synaıdy.
