US Open: Andreı Golýbev pen ıAroslava Shvedova sátti óner kórsetýde

Juptyq synda «Úlken dýlyǵa» jarysynyń 15-raketkalary bolyp tirkelgen Andreı Golýbev pen germanııalyq Andreas Mes ekinshi aınalymda bosnııalyq Tomıslav Brkıch – serbııalyq Nıkola Kachıchpen kezdesti.

Qazaqstandyq-germanııalyq jup 7:5, 6:2 esebimen jeńiske jetti. Atalmysh dýet 1 saǵat 16 mınýtqa sozylǵan matchta 3 eıs jasap, 6 breık-poınttyń tórteýin paıdalandy.

Qarsylastary 1 eıs, 1 breıkpen shekteldi. A.Golýbev pen A.Mes úshinshi aınalymda shırek fınalǵa shyǵý úshin osy týrnırdiń 3-raketkalary, frantsııalyqtar Per-ıÝg Erber – Nıkolıa Maıýmen talasady.

Qazaqstan áıelder quramasynyń kapıtany ıAroslava Shvedova aralas juptyq synda frantsııalyq Fabrıs Martenmen shırek fınalǵa shyqty.

Olar bastapqy kezdesýinde dodanyń 7-raketkalary, taıbeılik Chan Hao-Chın – jańazelandııalyq Maıkl Vınýsty 6:4, 3:6, 10:7 esebimen utty.

Qazaqstandyq-frantsııalyq jup ekinshi aınalymda amerıkalyqtar Sachııa Vıkerı – Natan Pashamen kúsh synasty. Bul joly da Shvedova men Marten sýper taı- breıkte jeńisti julyp aldy – 6:4, 4:6, 11:9.

ıA.Shvedova men F.Marten jartylaı fınalǵa shyǵý úshin ýkraınalyq Daıana ıAstremskaıa – aýstralııalyq Maks Perselmen sheberlik baıqasady.

Taǵy bir qazaqstandyq Galına Voskoboeva serbııalyq Nıkola Kachıchpen birge bastapqy kezdesýinde horvatııalyq Darıa ıÝrak pen nıderlandylyq Matve Mıddlkopty 6:2, 3:6, 10:8 esebimen jeńdi. Degenmen ekinshi aınalymda dodanyń 3- raketkalary, chılılik Aleksa Gýarachı – ulybrıtanııalyq Nıl Skýpskıge 7:6 (7:4), 1:6, 8:10 esebimen jol berip, shırek fınalǵa óte almaı qaldy..

Eske sala keteıik, budan buryn US Open týrnırinde Elena Rybakınanyń tórtinshi aınalymǵa shyǵa almaǵanyn, Zarına Dııas pen Andreı Golýbevtiń juptyq synda ekinshi aınalymǵa ótkenin jazǵan bolatynbyz.

Zarına Dııas reseılik Varvara Grachevamen birge ekinshi aınalymda chehııalyqtar Marııa Boýzkova – Lýtsııa Gradetskaıamen kezdesedi.