US Open: Andreı Golýbev pen Anna Danılına úshinshi aınalymǵa óte almady
ASTANA. QazAqparat – Qazaqstandyqtar Andreı Golýbev pen Anna Danılına juptyq synda AQSh ashyq chempıonatynda úshinshi aınalymǵa óte almady, dep habarlaıdy QazAqparat tilshisi.
A.Golýbev reseılik Roman Safıýllınmen birge ekinshi aınalymda jarystyń 6-raketkalary, úndistandyq Rohan Bopanna – aýstralııalyq Mettıý Ebdenmen sheberlik baıqasty.
Qazaqstandyq-reseılik jup bir saǵattan astam ýaqytqa sozylǵan matchta 3:6, 3:6 esebimen jeńilis taýyp, jarys jolynan shyǵyp qaldy.
Qazaqstannyń áıelder arasynda juptyq syndaǵy kóshbasshysy, álemdik reıtıngte 29-orynda turǵan Anna Danılına ulybrıtanııalyq Hızer Ýotsonmen birge ekinshi aınalymda dodanyń 15-raketkalary, japonııalyq Mııý Kato – ındonezııalyq Aldıla Sýtdjıadımen kezdesti. Bul básekede japonııalyq-ındonezııalyq dýet aıqyn basymdylyq kórsetti – 6:3, 6:1.
Osylaısha, AQSh ashyq chempıonatynda Qazaqstannan Elena Rybakına men A.Danılına ǵana qaldy. E.Rybakına jekeleı synda, A.Danılına mıkste óner kórsetedi.
Eske sala keteıik, budan buryn Elena Rybakınanyń AQSh ashyq chempıonatynyń úshinshi aınalymyna ótkenin jazǵan bolatynbyz.
Sondaı-aq Anna Danılına ekinshi aınalymǵa joldama aldy.
Andreı Golýbev bastapqy kezdesýin sátti ótkizdi.
Jibek Qulambaeva Praga týrnıriniń fınalyna shyqty.
