US Open: Ámir Omarhanov juptyq syndaǵy jarysty sátti bastady

ASTANA. KAZINFORM — Qazaqstandyq tennısshi, 16 jastaǵy Ámir Omarhanov juptyq synda jasóspirimder arasynda AQSh ashyq chempıonatynyń 1/8 aınalymyna ótti.

Qazaqstandyq tennısshi reseılik Tımofeı Derepaskomen birge bastapqy kezdesýin túrkııalyq Karahan Atakan – ońtústikkoreıalyq Hýıong Romen ótkizdi.

Birinshi partııada qazaqstandyq-reseılik jup 6:3 esebimen basym tússe, ekinshisinde túrkııalyq-ońtústikkoreıalyq dýet ese qaıyrdy – 6:3. Sýper taı-breıkte Ámirhanov – Derepasko jeńisti julyp aldy – 10:8.

Ámir Omarhanov – Tımofeı Derepasko shırek fınalǵa shyǵý úshin chehııalyq Denıs Petak – shveıtsarııalyq Flınn Tomaspen talasady.

Bıyl Á.Omarhanov – T.Derepasko Rolan Garros jarysynda jartylaı fınalǵa deıin jetip, onda bolashaq chempıondarǵa jol bergen edi.

AQSh chempıonatynda qyzdar arasynda Asyljan Arystanbekova men Sonıa Jıenbaeva juptyq synda óner kórsetip, jeńilip qaldy.

S.Jıenbaeva búgin jekeleı synda amerıkalyq Alanıs Hemıltonmen oınaıdy.

Eske sala keteıik, budan buryn Rolan Garrosta Ámir Omarhanov jarystyń 3-raketkasyn utyp, jartylaı fınalǵa ótkenin jazǵan bolatynbyz.

Anna Danılına juptyq synda AQSh chempıonatynyń shırek fınalyna joldama aldy.