US Open: Aleksandr Shevchenko bes settik matchta jeńilip qaldy
ASTANA. KAZINFORM – Nıý-Iork qalasynda tennısten bastalǵan AQSh ashyq chempıonatynda qazaqstandyqtardan alǵashqy bolyp álemniń 97-raketkasy Aleksandr Shevchenko kortqa shyqty.
Qazaqstandyq tennısshi alǵashqy aınalymda álemdik reıtıngide 101-oryndaǵy horvatııalyq, 21 jastaǵy Dıno Prıjmıchke tap keldi.
A.Shevchenko matchty sátti bastady – 6:2. Alaıda budan keıin D.Prıjmıch kúsh alyp ketti – 6:3, 6:3.
Tórtinshi sette esep 5:3 bolyp, horvatııalyq tennısshi matchqa dop bergende, qazaqstandyq sportshy qos breık jasap, óz geımderin de aldy – 7:5.
Sheshýshi, besinshi partııada Aleksandr breıkpen alǵa ketti – 2:0. Degenmen eki matchbolyn paıdalana almady – 5:5. Aqyry Prıjmıch oıyn sońynda breık jasap ketti – 7:5.
Tórt saǵatqa jýyq ýaqytqa sozylǵan tartysty básekede Shevchenko 14 eıspen birge 15 breık-poınttyń altaýyn óz esebine jazdy. Prıjmıch 8 eıs, 6 breıkpen (11 breık-poınt) kózge tústi.
D.Prıjmıch úshinshi aınalymǵa shyǵý úshin álemniń 21-raketkasy, amerıkalyq Tommı Pol nemese reıtıngide 94-oryndaǵy Gonkong ókili Koýlman Vonnyń qaı jeńgenimen talasady.
Qazaqstannyń birinshi, álemniń 16-raketkasy Aleksandr Býblık birinshi kezdesýin reıtıngide 248-satydaǵy amerıkalyq Djeffrı-Djon Výlfpen ótkizedi.
Ótken jyly AQSh ashyq chempıonatynda A.Býblık tórtinshi aınalymǵa deıin jetip, álemniń 1-raketkasy, ıtalııalyq ıAnnık Sınnerge jol bergen edi. Al A.Shevchenko alǵashqy oıynda-aq jeńilip qalǵan bolatyn.
Eske sala keteıik, budan buryn AQSh ashyq chempıonatynda qazaqstandyq tennısshilerdiń alǵashqy qarsylastary anyqtalǵanyn jazǵan edik.
Sondaı-aq Dmıtrıı Popko Serbııadaǵy tennıs týrnıriniń fınalyna deıin jetti.
